काठमाडौं । राष्ट्रिय प्रजातन्त्र पार्टी (राप्रपा) ले रुपन्देही-१ बाट प्रज्वल बोहरालाई उम्मेदवार बनाएको छ । राप्रपाको क्षेत्रीय समितिको बैठकले बोहरासहित , गौरव बोहरा र माया रोका नाम सिफारिस गरेको भएपनि बाबुको बिडो थाप्ने जिम्मा प्रज्वलको काधमा आएको छ ।
प्रज्वल र गौरब दाजुभाइ हुन्। दुवै जना पूर्वमन्त्री दीपक बोहराका छोरा हुन्। गत निर्वाचनमा यो क्षेत्रबाट दीपक बोहरा निर्वाचित भएका थिए। दीपक बोहराको निधन भएपछि उपनिर्वाचन तोकिएको थियो। तर, गत भदौ २३ र २४ को आन्दोलनपछि प्रतिनिधि सभा विघटन भएसँगै उपनिर्वाचन पनि रोकिएको हो।
दीपक बोहरा पञ्चायतदेखि गणतन्त्रसम्म रूपन्देहीले पत्याएका नेताका रहनु भएको थियो । आईटी इन्जिनियर समेत रहेका प्रज्वल पछिल्लो समय राजनीतिमा सक्रिय हुनु भएको हो ।
स्व दिपक बोहोरा २०३६र२०४२ सालमा रुपन्देही जिल्लाबाट राष्ट्रिय पञ्चायत सदस्यका रूपमा निर्वाचित हुनु भएको थियो । यसैगरी २०७० सालको दोस्रो संविधानसभा चुनावमा रुपन्देही क्षेत्र नं। २ बाट संविधानसभा सदस्यमा निर्वाचित हुनु भएको थियो ।
