काठमाडौं । भारतको चेन्नाईबाट चिनियाँ राष्ट्रपति सी जिनपिङ काठमाडौँका लागि प्रस्थान गरेका छन् ।
भारतको चेन्नइस्थित महाबलिपुरममा भारतका प्रधानमन्त्री नरेन्द्र मोदीसँग अनौपचारिक छलफलपछि केहिबेरअघि सी विशेष विमानबाट काठमाण्डौको लागि उडेको भारतीय सञ्चारमाध्यमले जनाएका छन् । उनी अपराह्न साढे ४ बजे काठमाडौंस्थित अन्तर्राष्ट्रिय विमानस्थल आइपुग्ने कार्यतालिका रहेको बताइएको छ ।
राष्ट्रपति विद्यादेवी भण्डारी र प्रधानमन्त्री केपी शर्मा ओलीले विमानस्थलमा सीलाई स्वागत गर्ने कार्यक्रम छ । उनलाई विमानस्थलमै गार्ड अफ अनर दिइने छ । त्यसपछि सी सोझै सोल्टी होटल प्रस्थान गर्नेछन् ।
