बागलुङ । बालुवा तस्करहरुले बागलुङ क्षेत्र नम्वर १ बाट प्रतिनिधित्व गर्ने सांसद डा. सूर्य प्रसाद पाठकलाई धम्की दिएका छन् । सासंद पाठकले कालीगण्डकीमा भएको बालुवा तस्करीको बिषयमा संसदमा बोलेपछि तस्कारहरुले धम्की दिएका हुन् ।
पाठकले आफ्नो फेसबुक टाइमलाइन मार्फत आफु माफियाहरुसंग लड्दा कहिले ठेक्दार र कहिले बालुवा तस्कारले धम्कि दिएको वताएका छन् । पाठकले माफियाहरुले प्रहरी प्रशासन समते हातमा लिएको उल्लेख गरेका छन् । पाठकले आफ्नो सुरक्षाको बारेमा समेत खुलेर लेखेका छन् । उनले ‘म कहिलै प्रहरीसंग सुरक्षा माग्दिन, प्रहरी अघिपछि लागेर हिड्दिन्’ । पाठकले आफु मदन भण्डारीमो चेला भएको भन्दै मर्न परे हाँसेर मर्ने वताएका छन् ।
पाठकको फेसबुक स्टाटस
म ठूला माफिया र दलालहरुको बिरुद्द संसदमा आवाज सहित लडिरहेको छु। सडकमा भुरा माफियाहरुसंग लडिरहेको छु। कहिले मलाई ठेक्दारले मुद्धा हाल्छु भन्छन कहिले बालुवा तस्करले धम्कि दिन्छ्न । म मदन भण्डारीको चेला हुँ । (म आमाले जन्माउदा च्याय गरेर रोएर आएको हुँ) मर्दा हाँसेर मर्छु । म कहिलै प्रहरीसंग सुरक्षा माग्दिन , प्रहरी अघि पछि लागेर हिड्दिन । बाग्लुङका चोकचोकमा एक्लै हिड्छु । मैले जिवनको जोखिम मोलेर राजनितिमा आएको हो । माफियाहरु जे सक्छौ त्यही गर, प्रहरी प्रशासन पनि तिमिहरुले नै किनेका छौ । जहाँ तिमिहरुको बोल बलाउछ।
कालीगण्डकी नदि उत्खनन्लाई व्यवस्थित बनाउन पाठकले आवाज उठाएपछि पर्वतको जलजलाका व्यावसायी र जनप्रतिनिधि उनी विरुद्ध खनिएका छन् । सांसद पाठकले प्रतिनिधिसभा र केहि सञ्चार माध्यममा नदि उत्खननन्को विषयलाई लिएर अभिव्यक्ति सार्वजनिक गरेपछि सामाजिक सञ्जाल फेसबुकमार्फत पाठकको बिरोध भएको हो ।
