मोरक्कोको घरेलु मैदानमा खेलिएको प्रतिस्पर्धात्मक खेलको अन्तिम समयमा आएर मात्र अर्जेन्टिनाको जित सम्भव भएको थियो।
आफ्ना स्टार खेलाडी लियोनल मेसी बिना नै मैदानमा ओर्लिएको अर्जेन्टिनाका लागि खेलको ८३औं मिनेटमा एन्जल कोरियाले निर्णायक गोल गरेका थिए। उनी ६२औं मिनेटमा परिवर्तित खेलाडीका रुपमा मैदानभित्र प्रवेश गरेका थिए।
गत शुक्रबार खेलिएको मैत्रीपूर्ण खेलमा भने अर्जेन्टिनालाई भेनेजुएलाले ३-१ गोलले हराएको थियो। मोरक्कोविरुद्घको खेलमा अर्जेन्टिनाका अधिकांश अनुभवी खेलाडी उपस्थिति थिएनन्।
मेसी, सर्जियो एग्वेरो, एन्जल डी मारियाजस्ता अनुभवी खेलाडीको अनुपस्थितिमा अर्जेन्टिनाको अग्रपँक्तिको जिम्मेबारी पाउलो डिबालले सम्हालेका थिए।
अर्को मैत्रीपूर्ण खेलमा अल्जेरियाले ट्युनिसियालाई १-० गोलले पराजित गर्यो। नाइजेरियाले भने घरेलु मैदानमा बलियो इजिप्टमाथि १-० गोलको प्रतिस्पर्धात्मक जित हासिल गर्यो। उक्त खेलमा इजिप्ट आफ्ना अनुभवी खेलाडी मोहमद सलाह बिना नै मैदानमा ओर्लिएको थियो।
अर्को खेलमा चिलीले अमेरिकालाई उसैको घरेलु मैदानमा १-१ गोलको बराबरीमा रोक्यो। अमेरिकाका लागि चौथो मिनेटमा क्रिस्टियन पुलिसिचले र चिलीका लागि नवौं मिनेटमा ओस्कर ओपाजोले गोल गरेका थिए। होण्डुरस पनि घरेलु मैदानमा इक्वेडरसँग गोलरहित बराबरीमा रोकियो। एल साल्भाडोरले पेरुलाई उसैको मैदानमा २-० गोलले पराजित गर्यो
