एजेन्सी । आईसीसी विश्वकप टी–ट्वान्टी क्रिकेट अन्तर्गत भारतले आज (बुधबार) अफगानिस्तासँग प्रतिस्पर्धा गदैर्छ । अबुधाबीमा हुने यस खेलमा अफगानिस्तानलाई हराउनैपर्ने दबाबमा भारत रहेको छ ।
सुरुवाती दुई खेलमा पराजित भएको भारतकालागि सेमिफाइनलको दौडमा कायम रहन जित्नैपर्ने दबाब छ ।
भारत पहिलो खेलमा पाकिस्तान र दोस्रो खेलमा न्युजिल्याण्डसँग ठुलो अन्तरले पराजित भएको थियो ।
यस्तै भारतलाई ठुलो अन्तरको जित आवश्यक छ । अफगानिस्तान समूह बीको दोस्रो स्थानमा छ । उसले तीन खेलमा दुई खेल जितेको छ ।
यी दुई टिमबीचकोखेल नेपाली समय अनुसार शेख जायद मैदानमा साँझ ७ः४५ बजे सूरु हुनेछ ।
यस्तै आज नै हुने पहिलो खेलमा पौने ४ बजे दुबई इन्टरनेशनल क्रिकेट मैदानमा न्यूजिन्यान्ड र स्कटल्यान्डले प्रतिस्पर्धा गर्दैछन् ।
