काठमाडौं । मंगलबार नेपाली कांग्रेस पदाधिकारी बैठक बस्ने भएको छ ।
पार्टी सभापति शेरबहादुर देउवाले दिउँसो सानेपामा बैठक डाकेका हुन् ।
बैठकमा पूर्व पदाधिकारीलाई पनि बोलाइएको पार्टी कार्यालयका मुख्यसचिव कृष्णप्रसाद पौडेलले जानकारी दिए ।
उक्त बैठकमा महाधिवेशनको तयारी र निर्वाचन समितिले तयार पारेको निर्वाचन निर्देशिकामाथि छलफल हुने बताइएको छ ।
कांग्रेसको १४ औं महाधिवेशन भदौ १६-१९ गतेसम्म काठमाडौंमा हुने तय भएको छ ।
