लण्डन । इएफएल (कारावाओ) कप फुटबलको उपाधि म्यानचेस्टर युनाईटेडले जितेको छ ।
वेम्बलीमा आइतबार राति भएको फाइनल खेलमा न्युकासल युनाईटेडलाई २–० गोल अन्तरले हराउँदै युनाईटेड च्याम्पियन बनेको हो ।
खेलको ३३ औं मिनेटमा कासिमिरोले गोल गर्दै युनाईटेडलाई सुरुवाती अग्रता दिलाएका थिए । लुक शले प्रहार गरेको फ्रिकिकबाट आएको बललाई कासिमिरोले हेडरमार्फत गोल गरे ।
त्यसपछि खेलको ३९ औं मिनेटमा रासफोर्डले गोल गर्दै युनाइटेडको अग्रता दोब्बर पारे । उनले पोस्टभित्र प्रहार गरेको बल न्युक्यासलका सेभेन बोटम्यानलाई हल्का लागेर गोलमा परिणत भएको थियो । यस्तै, दोस्रो हाफमा दुबै टिमबाट गोलको प्रयास भएपनि गोल हुन नसक्दा युनाइटेडको पक्षमा खेल गयो ।
यससँगै युनाईटेडले ६ वर्षपछि पहिलो उपाधि जितेको छ । एरिक टेन हागको नेतृत्वमा युनाईटेडले २०१७ पछि पहिलो उपाधि जितेको हो । समग्रमा युनाईटेडले छैटौं पटक कारवाओ कपको उपाधि जित्न सफल रह्यो ।
