काठमाडौं । नेपाली क्रिकेट टोलीका प्रमुख तीव्र गतिका बलर सोमपाल कामीले आइसिसी विश्वकप एकदिवसीय विश्वकप छनोट अन्तर्गतको तीन खेल गुमाउने भएका छन् ।
आइतबार जिम्बावेसँगको खेलको क्रममा घाइते भएका सोमपालले समूह चरणका तीन खेल गुमाउने भएका हुन्। यससँगै उनले आज अमेरिकाविरुद्धको खेलपनि गुमाउने भएका छन् ।
आईतबार भएको जिम्बावेविरुद्धको खेलमा ३४ औं ओभरको तेस्रो बलमा ब्याटर सन विलियम्सले प्रहार गरेको शट रोक्नेक्रममा उनको दायाँ हातको बुढी औंलामा लाग्न पुगेको थियो । सो पछि सोमपालले मैदान छाडेका थिए । र उनको बाकि बाँकी तीन बल आरिफ शेखले हानेर ओभर पूरा गरेका थिए ।
सोमपालको चोरी औला र बुढी औलाको बिचको भागको मासु फाटेपछि उनको हातमा दुई वटा टाँका लगाइएको छ । अब उनले एक हप्ता आराम गर्नुपर्ने हुन्छ । सोहि क्रममा उनले तीन ओटा खेल गुमाउनेछन् ।
सोमपाल खेल्न नसक्दा नेपालको बलिङ आक्रामण झनै कमजोर बन्ने सम्भावना देखिन्छ। उनी नहुँदा बलिङमात्रै होईन नेपालको तल्लोक्रमको ब्याटिङ कमजोर हुनेछ । नेपालले उनको स्थानमा ललितनारायण राजवंशी र प्रतिश जि।सी मध्ये एकलाई खेलाउन सक्छ ।
आज नेपाल र अमेरिकाबीच खेल दिउँसो १२: ४५ मा ताकशिंगा स्पोर्ट्स क्लबमा सुरु हुनेछ । नेपाल पहिलो खेलमा जिम्बावेसँग ८ विकेटले पराजित भएको थियो । नेपालको ओपनरद्वय कुशल भुर्तेलको ९९ र आसिफ शेखको ६६ रनको सहयोगमा २ सय ९० रनको योगफल बनेपनि पराजित हुन पुगेको थियो ।
अमेरिका पहिलो खेलमा वेस्टइन्डिजसँग ३९ रनले पराजित भएको थियो । अन्तिम तीनमा रहेर समूह ए बाट सुपर सिक्समा पुग्न नेपाललाई आजको खेल जित्नै पर्ने दबाब रहेको छ।
