काठमाडौं । फिफा विश्वकप २०२६ का लागि एसियाली छनोटको प्लेअफ चरणमा नेपालले लाओसको सामना गर्ने भएको छ ।
मलेसियाको क्वालालम्पुरस्थित एएफसी मुख्यालयमा भएको ड्र अनुसार नेपालले दोस्रो चरणमा प्रवेश गर्न लाओसको सामना गर्न लागेको हो ।
अक्टोबरमा हुने दुई लेगको छनोटपछि नेपालको भविष्यको टुंगो लाग्नेछ । प्रारम्भिक चरणको छनोट होम एण्ड अवेको आधरमा खेलाइनेछ । छनोट खेल अक्टोबर १२ र १७ मा हुनेछ ।
दोस्रो चरणका लागि शीर्ष २६ टोलीले स्थान पक्का गरिसकेका छन् । यस चरणमा प्लेअफ पार गरेर आएका १० टोलीसहित ३६ टोलीलाई ९ समूहमा विभाजन गरिनेछ । सबै समूहको विजेता र उपविजेता एएफसी एसियन कप २०२७ को लागि स्थान पक्का गर्दै विश्वकप छनोटको तेस्रो चरणमा पुग्नेछन् ।
नेपालले गत चैतमा प्रधानमन्त्री कप थ्री नेसन्स कपमा लाओससँग खेलेको थियो । भुटानसमेत सम्मिलित उक्त प्रतियोगितामा नेपालले फाइनलमा लाओसलाई नै हराएर उपाधि जितेको थियो ।
प्रारम्भिक चरण खेलतालिका:
