काठमाडौं । चन्द्रागिरि हिल्सले कोभिड– १९ को खोप लगाउनेहरूलाई केबलकारको टिकट किन्दा २५ प्रतिशत छुट दिने निर्णय गरेको छ ।
चन्द्रागिरि हिल्सले कोभिडका विरुद्धमा ऐक्यबद्धता जनाउदै खोपका बारेमा सचेतना अभिवृद्धि गर्ने योजनाका साथ यो प्याकेज ल्याएको हो ।
साथै यो निर्णयले नागरिकहरुमा उच्च स्वास्थ्य सुरक्षा सतर्कता अवलम्वन गर्न पनि सचेत गराउने अपेक्षा गरिएको चन्द्रागिरी हिल्सका महाप्रवन्धक अभिषेक बिक्रम शाहले जानकारी दिए ।
उक्त सुविधाका लागि यो खोप लगाएकाहरुले खोप कार्ड टिकट काउन्टरमा पेश गर्नुपर्ने कम्पनीले जनाएको छ । चन्द्रागिरि हिल्सले आज प्रकाशन गरेको विज्ञप्तिमा यो योजना वैशाख ९ गतेदेखि जेठ १७ सम्म लागु हुने जनाएको छ ।
