एजेन्सी । भारतीय टिमका फास्ट बलर मोहम्मद शामीलाई बलिउड अभिनेत्री पायल घोषबाट अनौठो विवाहको प्रस्ताव आएको छ । अभिनेत्रीले शामीले आफ्नो अङ्ग्रेजी सुधार गरेमा उनीसँग विवाह गर्न तयार रहेको बताइन् ।
मोहम्मद शामीले जारी विश्वकपमा उत्कृष्ट प्रदर्शन गरेका छन् । दायाँ हाते फास्ट बलरले चार खेलमा ७ को उत्कृष्ट औसतमा १६ विकेट लिएका छन् । ३३ वर्षीय शामीलाई भारतले प्रारम्भिक खेलहरूमा प्रयास गरेन किनभने टोलीलाई तल्लो क्रममा थप ब्याट्सम्यानको आवश्यकता थियो । तर, उनी प्लेइङ ११ मा आएदेखि भारतको बलिङ आक्रमण निकै बलियो देखिएको छ ।
पायल घोषको भाइरल पोस्ट
केही दिनअघि पायल घोषले मोहम्मद शामीलाई आफ्नो एक्स ह्यान्डलमार्फत विवाहको प्रस्ताव राखेकी थिइन् । घोषले पोस्ट गरेकी छन्, ‘शम्मी, तिम्रो अंग्रेजी सुधार गर, म तिमीसँग बिहे गर्न तयार छु ।’
#Shami Tum apna English sudharlo, I’m ready to marry you 🤣🤣
— Payal Ghoshॐ (@iampayalghosh) November 2, 2023
पायल घोष वर्षधारे, प्रयाणम, ऊसरावेली, मिस्टर रास्कल र पटेल की पञ्जाबी शादी लगायतका अन्य फिल्ममा देखिइसकेकी छिन् । २०२० मा, उनलाई रामदास अठावलेको राजनीतिक दल – भारतीय रिपब्लिकन पार्टीको महिला शाखाको उपाध्यक्ष बनाइएको थियो ।
मोहम्मद शामीले भारतका लागि अहिलेसम्म ६४ टेस्ट खेलेका छन् जसमा उनले २२९ विकेट लिएका छन् । उनले ९८ एकदिवसीय खेलमा १८७ विकेट लिएका छन् । यसबाहेक शामीले २३ टी–२० अन्तर्राष्ट्रिय खेलमा २४ विकेट लिएका छन् । शामी अहिले उत्कृष्ट लयमा छन् र आगामी खेलहरूमा उनीबाट भारतले उत्कृष्ट प्रदर्शन गर्ने अपेक्षा लिएको छ ।
