काठमाडौं । कांग्रेस सभापति शेरबहादुर देउवाले बोलाएको तीन दलको बैठक देउवा निवास बुढानीलकण्ठमा सुरु भएको छ ।
नेपाली कांग्रेस, नेकपा (माओवादी केन्द्र) र जनता समाजवादी पार्टी (जसपा) का शीर्ष नेताहरु सत्ता समीकरणका लागि देउवा निवासमा जुटेका हुन् ।
बैठक अघि जसपाका शीर्ष नेताहरु आन्तरिक छलफल जुटेका कारण उनीहरु बैठकमा ढिला सहभागी भएका हुन् ।
बैठकमा माओवादी केन्द्रका पुष्पकमल दाहाल प्रचण्डसहित नारायणकाजी श्रेष्ठ, कृष्णबहादुर महरा र देव गुरुङ सहभागी भएका छन् ।
यस्तै जसपाका डा. बाबुराम भट्टराई, उपेन्द्र यादव, महन्थ ठाकुर, राजेन्द्र महतो, राजेन्द्र श्रेष्ठ र अशोक राई पनि बैठकमा पुगेको बताइएको छ ।
