काठमाडौं । नेपालमा थप १७६ जनामा कोरोना भाइरसको संक्रमण पुष्टि भएको छ । पछिल्लो २४ घण्टामा ३ हजार ४ सय ५६ पीसीआर परीक्षण गर्दा उक्त संख्यामा कोरोना संक्रमण पाइएको स्वास्थ्य तथा जनसंख्या मन्त्रालयले जनाएको हो ।
योसँगै हालसम्म मुलुकभर २ लाख ७७ हजार ९ सय ४४ जनामा कोरोना संक्रमण देखिएको छ । यस्तै २ लाख ७३ हजार २ सय ४० संक्रमित उपचारपछि निको भएका छन् । मन्त्रालयका अनुसार पछिल्लो २४ घण्टामा ११७ संक्रमित निको भएका छन् ।
आइतबार कोरोना संक्रमणबाट मृत्यु हुनेको संख्या शून्य रहेको छ । हालसम्म कोरोना संक्रमणबाट मृत्यु हुनेको संख्या ३ हजार ३२ जना पुगेको छ ।
