काठमाडौँ । इन्डियन प्रिमियर लिग–२०२४ को दोस्रो चरणको खेल तालिका सार्वजनिक भएको छ । लोकसभाको मिति घोषणापछि भारतीय क्रिकेट बोर्ड (बीसीसीआई)ले बाँकी खेलको तालिका सार्वजनिक गरेको हो ।
बीसीसीआईले सोमबार जारी गरेको तालिका अनुसार लिगको चालू सिजनको दोस्रो चरणको सुरुवात अप्रिल ८ मा चेन्नई सुपर किंग्स र कोलकाता नाइट राइडर्सबीचको रात्रिकालीन खेलबाट हुनेछ ।
यो खेल चेन्नईको घरेलु मैदान चेपौक मैदानमा हुनेछ । यस सिजनको फाइनल मे २६ मा चेन्नईमा हुनेछ ।
आईपीएल आयोजक समितिले २२ फेब्रुअरीमा पहिलो दुई साताका २१ खेलको तालिका सार्वजनिक गरेको थियो । त्यसपछि लोकसभा चुनावका कारण बाँकी खेलको तालिका सार्वजनिक भएको थिएन ।
आईपीएलको गत सिजनको उपाधि महेन्द्र सिंह धोनीको कप्तानीमा चेन्नई सुपर किंग्सले जितेको थियो । अहमदाबादमा भएको फाइनल खेलमा टोलीले गुजरात टाइटन्सलाई ५ विकेटले पराजित गरेको थियो । यस प्रतियोगितामा चेन्नई र मुम्बई इन्डियन्सले ५/५ उपाधि जितेका छन् ।
[pdf-embedder url=”https://newspolar.com/wp-content/uploads/2024/03/1711346895837_TATA-IPL-2024-Schedule-F.pdf” title=”1711346895837_TATA IPL 2024 Schedule F”]
