काठमाडाैंः नेपाली सेनाकाे प्राविधिक उपरथीमा डा. देवेन्द्र बहादुर खत्री पदाेन्नति हुनु भएकाे छ । मन्त्रीपरिषद्को यही पुस १५ गतेकाे निर्णय अनुसार प्राविधिक सहायक रथी डा. खत्री उपरथीमा बढुवा हुनु भएकाे हाे । डा. खत्रीलाई प्रधान सेनापति पूर्णचन्द्र थापाले शुक्रबार जङ्गी अड्डामा आयोजित एक कार्यक्रमकाबीच उपरथी दर्जाको दर्ज्यानी चिन्ह प्रदान गर्नु भएको नेपाली सेनाले जनाएकाे छ ।
उपरथी दर्जामा पदोन्नति हुनु भएका प्राविधिक उपरथी डा. देवेन्द्र बहादुर खत्रीलाई श्री सैनिक स्वास्थ्य महानिर्देशनालयमा माहानिर्देशकको रुपमा पदस्थापन गरिएको पनि सेनाले जनाएकाे छ । साे समाराेहमा नेपाली सेनाका रथीबृन्द तथा अधिकृतहरुको उपस्थिति रहेको थियाे ।
