काठमाडौ । एक अर्का विरुद्ध सार्वजनिक रुपमा आरोप प्रत्यारोपमा उत्रिएका नेकपाका दुई अध्यक्ष केपी ओली र पुष्पकमल दाहालबीच बुधबार टेलिफोन सम्वाद भएको छ ।
अध्यक्ष दाहाल पत्नी सीता दाहाल गम्भीर रुपमा बिरामी भै उपचारका क्रममा रहनु भएका बेला ओलीले दाहाललाई फोन गरी स्वास्थ्य लाभको कामना गर्नु भएको छ ।
यसैबीच ललितपुरकाे मेडीसिटी अस्पतालमा उपचार गराइरहनु भएकी सीता दाहालको स्वास्थ्य अवस्थाका बारेमा जानकारी लिन र स्वास्थ्य लाभको कामना गर्न नेकपा महासचिव तथा अर्थमन्त्री विष्णु पौडेल र संविधानसभाका पूर्व अध्यक्ष तथा नेकपा स्थायी समिति सदस्य सुवासचन्द्र नेम्वाङ्ग अस्पताल पुग्नु भएको छ ।
