काठमाडौं । प्रधानमन्त्री केपी शर्मा ओलीले नयाँ मन्त्रीहरु थप्ने भएका छन् । प्रतिनिधि सभा विघटन गरेपछि पहिलोचोटी प्रधानमन्त्री ओलीले शुक्रबार साँझ नयाँ मन्त्रीलाई सपथ गराउने कार्यक्रम रहेको छ ।
प्रतिनिधि सभा विघटनपछि ओली सरकारमा रहेका सात जना मन्त्रीहरूले सामूहिक राजीनामा दिएका थिए। रिक्त रहेका सात मन्त्रालयमध्ये तत्काल छ वटा मन्त्रालयका लागि नयाँ मन्त्रीहरु थपिने भएका हुन् ।
प्रधानमन्त्री ओलीका प्रेस सल्लाहकार सूर्य थापाका अनुसार नयाँ थपिएका मन्त्रीहरू प्रभु साह, टोपबहादुर रायमाझी, मणि थापा, गौरीसंकर चौधरी, दावा तामाङले राष्ट्रपति कार्यालय शितल निवासमा सपथ लिने बताए ।
साह केही दिनअघिसम्म प्रचण्ड-नेपाल समूहको बैठकमा सहभागी थिए। पार्टीमा दुई अध्यक्ष भएपछि उनले त्यसको विरोध गरेका थिए।
