काठमाडौँ । शुक्रबार थप ६०८ जनामा कोरोना संक्रमण पुष्टि भएको छ । पछिल्लो २४ घण्टामा ४ हजार १४२ पीसीआर परीक्षणमा २३७ महिला र ३७१ जना पुरुषसहित ६०८ जनामा संक्रमण पुष्टि भएको हो । योसंगै नेपालमा २ लाख ५७ हजार २०० संक्रमितको संख्या पुगेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ८९२ जना निको भएर डिस्चार्ज भएका छन् । योसँगै निको हुनेको २ लाख ४८ हजार २९२ संख्या पुगेको छ । देशभरी सक्रिय संक्रमितको संख्या हालसम्म ७ हजार ९२ छ ।
मन्त्रालयका अनुसार हालसम्म क्वारेन्टाइनमा रहनेको संख्या ३६९ रहेको छ । कोरोना संक्रमणबाट २४ घण्टामा थप ९ को मृत्यु भएको छ । हालसम्म कोरोना संक्रमणबाट मृत्यु हुनेको संख्या १ हजार ८१६ जना पुगेको छ ।
