काठमाडौं । गृहमन्त्री रामबहादुर थापा बादलले प्रतिनिधिसभाको विघटन स्थिरता र क्रान्तिकारी परिवर्तनका लागि भएको बताएका छन् । बिहिबार नेकपा ओली समूहको भेलामा सम्बोधान गर्दै गृहमन्त्री थापाले पार्टीको राय्ट्रवादी नेतृत्वले चालेका कदमहरूलाई पार्टीले दृढतापूर्वक अघि बढाउने बताएका हुन् ।
बालुवाटारमा बसेको ओली समूहको केन्द्रीय कमिटी बैठकलाई सम्बोधन गर्दै बादलले प्रतिक्रान्तिलाई सहयोग गर्न केही नेताहरु गुटबन्दी गर्दै चोइटिएर जान खोजेको बताए । उनले भने, ‘चुनावमा गएर फुटवादी, अवसरवादी र प्रतिगमनकारीहरूलाई परास्त गर्नुपर्छ ।’
जनताले चाहेको स्थिरता समाप्त पार्न खोल्नेहरुलाई समाप्त पार्न मध्यावधि निर्वाचन रोजेको उनले बताए । बादलले भने, ‘मध्यावधि पश्चगमन होइन, अग्रगमन हो । लोकतन्त्रमा जनतामा जानु अन्यथा हुँदै होइन ।’
