काठमाडौँ । नेपाल प्रिमियर लिग (एनपिएल)को दोस्रो संस्करणका लागि खेलाडी अक्सन साउन २४ गते हुने भएको छ ।
नेपाल क्रिकेट संघ (क्यान)ले यसबारे जानकारी दिएको हो ।
क्यानका अनुसार अक्सनका लागि कुल ४५८ नेपाली क्रिकेटरले नाम दर्ता गरेका छन् । दोस्रो संस्करणका लागि खेलाडी दर्ता प्रक्रिया असार २७ गतेदेखि खुला गरिएको थियो ।
दर्ता भएका खेलाडीको एनपिएलका ८ फ्रेञ्चाईज टोलीलाई उपलब्ध गराएर क्यानको प्राविधिक समितीले तयार गरेको मापदण्ड र फ्रेञ्चाईज टोलीले इच्छ्याएका खेलाडीको सूचीबाट अक्सनमा सहभागी हुने खेलाडीको अन्तिम नामावली प्रकाशन गरिने छ ।
८ फ्रेञ्चाईज टोलीले रिटेन्सन लिस्ट सार्वजनिक गरिसकेका छन् । पहिलो संस्करणको एनपिएलको उपाधि जनकपुर बोल्ट्सले जितेको थियो ।
