सुर्खेत । नेपाली कम्युनिस्ट पार्टी (नेकपा)बाट सुर्खेत–२ प्रतिनिधिसभा निर्वाचन क्षेत्रका उम्मेदवार झकबहादुर मल्ल ‘सुदीप’ले आफ्नो उम्मेदवारी दर्ता गराएका छन्।
मल्लले वीरेन्द्रनगरस्थित निर्वाचन कार्यालयमा पुगेर औपचारिक रूपमा उम्मेदवारी दर्ता गरेका हुन्। उनी पहिलो पटक संसदीय निर्वाचनमा सहभागी हुन लागेका हुन्।
सहिद परिवारका सदस्य मल्ल तत्कालीन जनमुक्ति सेनाका लडाकु कमान्डरसमेत रहेका छन्। उनी सुर्खेत जेलब्रेकका नेतृत्वकर्ता रूपमा पनि परिचित छन्।
