काठमाडौं । आयोजक दि एक्सेल्सियर स्कुल र रेडियन्ट पब्लिकले १२ औं एक्सेल्सियर कपअन्तर्गत बास्केटबलमा शुक्रबार दोहोरो जित हात पारेका छन् । एक्सेल्सियर र रेडियन्ट सिनियर ब्वाइज र गल्र्समा विजयी भए ।
सिनियर ब्वाइजमा एक्सेल्सयरले स्वर्णिमलाई ३९–३५ ले पराजित ग¥यो । एक्सेल्सियरका अंश श्रेष्ठले १६ स्कोर गरे । सिनियर गल्र्समा एक्सेल्सियरले स्वर्णिमलाई नै १८–१३ ले हरायो । एक्सेल्सियरकी आकर्षी पौडेलले ९ अंक जोडिन् ।
सिनियर ब्वाइजमा रेडियन्टले राराहिललाई ४६–३९, संस्कृति इन्टरनेसनलले बाल दीक्षा सदनलाई ३३–३१ र पुष्पसदनले एलआरआईलाई ४१–१० ले पाखा लगाए । रेडियन्टका सुगम राना मगरले १४, संस्कृतिका अभिग्न श्रेष्ठले १२ र पुष्पसदनका सम्राट लामाले १६ अंक जोडे ।
सिनियर गल्र्समा रेडियन्ट पब्लिकले न्यु जेनिथलाई २६–३ तथा रिब्सले बाल दीक्षालाई ३०–६ ले सहजै पन्छाए । रेडियन्टकी सोनु तामाङ तथा रिब्सकी सिस्का थापाले समान १०–१० अंक बटुले ।
फुटसल:
एक्सेल्सियर कपअन्तर्गत ब्वाइज फुटसलको यु–११ मा जोन डेवीले कोहिनुरलाई ३–१ तथा न्यु एरा एकेडेमीले एक्सेल्सियर (नीलो) लाई १–० गोलले पराजित गरे । स्वस्तिश्री गुरुकुल र कोहिनुरले २–२ गोलको बराबरी खेले भने न्यु एरा र बाल दीक्षबीचको खेल गोलरहित बराबरीमा टुंगियो ।
यु–१३ मा एलआरआईले न्यु एरालाई ३–१ तथा न्यु एराले एक्सेल्सियर (नीलो) ३–१ गोलले पाखा लगाए । बाल दीक्षा र होली भिजनले २–२ गोलको बराबरी खेले ।
यु–१६ मा ह्वाइट हेभेन एकेडेमीले बाल दीक्षालाई २–१ र एक्सेल्सियर (यल्लो) लाई ४–० तथा न्यु एराले ह्वाइट हेभेनलाई ५–१ र एक्सेल्सियर (यल्लो) लाई २–१ गोलले पाखा लगाए । यु–९ मा एक्सेल्सियर (नीलो) र कोहिनुरले गोलरहित बराबरी खेले ।
