काठमाडौं: फिनल्यान्ड पठाइदिने भन्दै तीन जना व्यक्तिबाट ३० लाख ठगी गरेको आरोपमा प्रहरीले एक भारतीयलाई पक्राउ गरेको छ ।
काठमाडौं उपत्यका अपराध अनुसन्धान कार्यालयका अनुसार, पक्राउ परेकामा भारतको बिहार, मोतीहारी स्थायी घर हुने एजाजुल आलम रहेका छन् । पीडितको उजूरीका आधारमा उनलाई काठमाडौं महानगरपालिका–१२ बाट पक्राउ गरिएको प्रहरी उपरीक्षक मनोहर प्रसाद भट्टले जारी गरेको सूचनामा उल्लेख छ ।
यसैगरी, जापान पठाइदिन्छु भन्दै एक व्यक्तिबाट २ लाख ५० हजार रुपैयाँ ठगी गरेको आरोपमा प्रहरीले धादिङको ज्वालामुखी गाउँपालिकाका राजकुमार लामिछानेलाई काठमाडौंबाट पक्राउ गरेको छ ।
