काठमाडौं क्षेत्र नं १ का स्वतन्त्र उम्मेदवार तथा राष्ट्रिय पोशाक तथा झण्डा अभियानका अभियन्ता राजानन्द माण्डव्यले आफ्नो उम्मेदवारी फिर्ता लिने निर्णय गरेका छन्।
उनले सो क्षेत्रकै राष्ट्रिय प्रजातन्त्र पार्टी (राप्रपा) का उम्मेदवार रवीन्द्र मिश्रलाई समर्थन गर्ने घोषणा गर्न लागेका हुन्।
यस सम्बन्धमा औपचारिक जानकारी गराउन माण्डव्यले पत्रकार सम्मेलनको आयोजना गर्न लागेका छन्। सम्मेलनमा आफ्नो उम्मेदवारी फिर्ता लिने निर्णय, त्यसका कारणहरू तथा आगामी राजनीतिक धारणा सार्वजनिक गरिने बताइएको छ।
