किएभ। युक्रेनका राष्ट्रपति भोलोदिमिर जेलेन्स्कीले फेब्रुअरी २४ मा राष्ट्रपतीय निर्वाचन र शान्ति सम्झौताका लागि जनमत सङ्ग्रहको लागि मतदानको घोषणा गर्ने योजनालाई अस्वीकार गर्नुभएको छ।
जेलेन्स्कीले पत्रकारहरूसँग भन्नुभयो, “युक्रेनले आफ्नो मुलुकको सुरक्षा सुनिश्चितता र रूससँग युद्धविराम गरेपछि मात्र निर्वाचन गर्नेछ।”
रूसी राष्ट्रपति भ्लादिमिर पुटिनसँग सम्भावित वार्ताको बारेमा जेलेन्स्कीले भन्नुभयो, “युक्रेन अमेरिकी पक्षले सुझाव दिएका स्थान (रूस र बेलारुस बाहेक कहिँ पनि) अर्थात् संयुक्त राज्य अमेरिका, युरोपमा, वा तटस्थ देशहरूमा वार्ताको लागि खुला छ ।
जेलेन्स्कीले थप्नुभयो, “अमेरिकी पक्षले युक्रेनलाई चुनावको लागि समय तालिकामा दबाब दिन सुरक्षा सुनिश्चितता गर्न सकेको छैन।”
राष्ट्रपति जेलेन्स्कीको यो टिप्पणी फाइनान्सियल टाइम्सको रिपोर्टपछि आएको हो । उहाँले युक्रेन–रुस द्वन्द्व सुरु भएको चौथो वर्षपछि अर्थात् सन् २०२४ फेब्रुअरीमा चुनाव र जनमत सङ्ग्रहको योजना घोषणा गर्न चाहनुभएको थियो ।
रिपोर्टमा यो पनि भनिएको छ कि ट्रम्प प्रशासनले युक्रेनलाई मे १५ सम्ममा जनमत सङ्ग्रह गर्न दबाब दिएको छ र त्यसो गर्न असफल भएमा प्रस्तावित अमेरिकी सुरक्षा ग्यारेन्टीलाई खतरामा पार्न सक्ने चेतावनी दिएको छ। (रासस/एएफपी)
