सशस्त्र प्रहरीले भारतसँग सीमा जोडिएका पाँच ठाउँमा बोर्डर आउट पोस्ट (बिओपी) स्थापनाका लागि प्रक्रिया अगाडि बढाएको छ । त्यसका लागि सीमाक्षेत्रमा जग्गाको खोजी गरिरहेको छ । कैलालीमा भारतीय सीमानजिक ६ वटा बिओपी राख्ने अनुमति पाएको सशस्त्रले एउटा बिओपी स्थापना गरिसकेको छ ।
कैलारी गाउँपालिका–७, भुइयाफाँटामा १५ पुसमा सशस्त्रले बिओपी क्याम्प राखेको हो । सशस्त्र प्रहरी उपरीक्षक कमलप्रसाद तिउसिनाले अन्य पाँच ठाउँमा बिओपी राख्न जग्गा खोजिरहेको बताए । ‘केही ठाउँमा जग्गा हेरेका छौँ, प्राप्त हुनेबित्तिकै क्याम्प राख्छौँ,’ उनले भने ।
