इलाम। इलामको सन्दकपुर २ माइमझुवामा एक घरमा आगलागी हुँदा साडे १२ लाख बराबरको क्षति भएको छ । साबिक माइमझुवा वडा नम्बर ५ सेर्पे निवासी कुल बहादुर गुरुङको घरमा गएराती आगलागी हुँदा १२ लाख ७२ हजार बराबरको क्षती भएको प्रहरीले बताएको छ ।
गुरुङको दुई तले रहेको टिनको घरमा २ तोला सुनको औँठी ६ तोला चाँदी गरगहना लत्ताकपडा अन्नपात काठपात सबै जलेर नस्ट भएको छ । आगो लाग्नुको कारण अझै खुलेको छैन् ।
सुतेको समयमा अचानक आगो लागेपछि छिमेकीहरु भेला भएर आगो निभाउन खोज्दा सिलिन्डर ग्यास आगोले जलेर बिस्फोट आगो बढ्न गै आगोले उग्ररुप लिएको र आगोलाइ नियन्त्रण लिन नसकिएको स्थानीय सन्तोष गुरुङले बताए । आगो नियन्त्रण गर्न सम्भब नभएपछि बिहान मात्रै आफै निभेको स्थानीयको भनाई छ ।
