काठमाडौँ। अमेरिकी रक्षा मन्त्री पिट हेगसेथले इरानसँगको जारी तनावमा आगामी दिनहरू युद्धको नतिजाका लागि निर्णायक हुने बताउनुभएको छ ।
अमेरिकी रक्षा मन्त्री पिट हेगसेथले अमेरिका–इजरायल र इरान बीचको युद्धका आगामी दिनहरू ‘निर्णायक हुने बताउनुभएको हो । उहाँले धेरै हप्ताको ठूलो अमेरिकी–इजरायली आक्रमण पछि पनि इरानसँग बदला लिने क्षमता बाँकी रहेको स्वीकार गर्नुभयो ।
उहाँले इरानसँगको युद्धका बारेमा पेन्टागनको प्रेस ब्रिफिङमा इरानी शासन अपाङ्ग भएको दाबी गर्नुभयो । पेन्टागन प्रमुखले सप्ताहन्तमा मध्य पूर्वमा अमेरिकी सेना र आधारहरूको अघोषित भ्रमण गर्नुभएको थियो ।
जोइन्ट चीफ अफ स्टाफका अध्यक्ष जनरल ड्यान केनले ब्रिफिङमा अमेरिकी हवाई हमलाहरू अब इरानको मिसाइल, ड्रोन र नौसेना जहाज निर्माण सुविधाहरूलाई खुवाउने ‘लजिस्टिक र आपूर्ति श्रृंखलाहरू रोक्न र नष्ट गर्न’ केन्द्रित रहेको बताउनु भयो । सिन्ह्वा/ न्युज एजेन्सी नेपाल
