काठमाडौं। फिफा विश्वकप २०२६ मा डिफेन्डिङ च्याम्पियन अर्जेन्टिनाले आफ्नो उपाधि रक्षाको अभियानलाई निकै सानदार रूपमा सुरुवात गरेको छ ।
अमेरिकाको कान्सास सिटी रंगशालामा बुधबार बिहान भएको खेलमा अल्जेरियालाई ३–० ले पराजित गर्दै अर्जेन्टिनाले शानदार सुरुवात गरेको हो ।
अर्जेन्टिनाका लागि सबै गोल कप्तान मेस्सीले गरे । छैटौं पटक विश्वकप खेलेका मेस्सीले पहिलोपटक ह्याट्रिक पूरा गरेका हुन् । उनले १७ औँ मिनेटमा पहिलो गोल गरे । उनले रोड्रिगो डे पलको पासमा सुन्दर गोल गरेका हुन् ।
त्यस्तै ६० औँ मिनेटमा मेसीले दोस्रो गोल गरे । त्यस्तै मेसीले ७६ औँ मिनेटमा तेस्रो गोल गरे । निको गोन्जालेजको पासमा मेसीले ह्याट्रिक पूरा गरेका हुन् ।
यस्तै अफसाइडका कारण अल्जेरियाका खेलाडीले गरेको एक गोलले पनि मान्यता पाएको थिएन । याे जितसँगै अर्जेन्टिनाले ३ अंक जाेड्दै समूह जे मा शीर्ष स्थानमा उक्लिएकाे छ ।
विश्वकपमा १६ गोल गर्दै मेस्सीले जर्मनीका मिरोस्लाभ क्लोसको नाममा रहेको कीर्तिमानी बराबरी गरेका हुन् ।
सन् २००६ मा विश्वकपमा डेब्यु गरेका मेस्सीले अल्जेरिया विरुद्ध खेलेपछि छैटौं विश्वकप खेल्ने पहिलो खेलाडीको कीर्तिमान बनाएका थिए । उनले सन् २०१० को विश्वकप बाहेक पाँच विश्वकपमा गोल गरेका छन्। चार वर्षअघि कतारमा मेस्सीले आप्नै कप्तानीमा अर्जेन्टिनालाई विश्वकप उपाधि जिताएका थिए । यस्तै विश्वकपमा मेस्सीले कीर्तिमानी २७औं खेल खेलेका छन् ।
