काठमाडौं ।राष्ट्रिय स्वतन्त्र पार्टी (रास्वपा) को प्रथम राष्ट्रिय महाधिवेशन आज बाट भरतपुरको गेष्टहाउस चौरमा सुरु हुदैछ ।
असार ७, ८ र ९ गते हुने रास्वपा महाधिवेशनको उद्घाटन समारोहमा नेपाली कांग्रेस, नेकपा (एमाले), नेपाली कम्युनिस्ट पार्टी (नेकपा) का प्रमुख सहभागी नहुने भएका हुन्।
रास्वपाले कांग्रेसका सभापति गगन थापा, एमालेका अध्यक्ष केपी शर्मा ओली र नेकपाका संयोजक पुष्पकमल दाहाल ‘प्रचण्ड’लाई निम्तो दिएको थियो।
रास्वपाले संसदमा प्रतिधित्व भएका दलका सभापतिलाई निम्ता पठाएपनि सबै पार्टीका तर्फ बाट अरु नेताहरु सहभागी हुन लागेका हुन् ।
कांग्रेसले उपसभापति पुष्षा भुसाल, एमालेले नेता प्रदीप ज्ञवाली र नेकपाले नेता वर्षमान पुनलाई पठाउने भएको छ। राप्रपाबाट भने पार्टी अध्यक्ष राजेन्द्र लिङ्देन सहभागी हुने प्रवक्ता मोहन श्रेष्ठले जानकारी दिनुभयो ।
श्रम संस्कृति पार्टीको संसदीय दलको नेता एबं अध्यक्ष पार्टीका हर्कराज राई (हर्क साम्पाङ) लाई निम्ता दिएपछि उहाँले आफु नजाने जानकारी गराउनु भएको थियो ।
यस्तै प्रगतिशील लोकतान्त्रिक पार्टीका नेता तथा पूर्वप्रधानमन्त्री बाबुराम भट्टराई, जनमत पार्टीका अध्यक्ष सीके राउत सहभागी हुनेछन्।
