काठमाडौं । विशेष अदालतले नेकपा (एमाले) का उपाध्यक्ष विष्णु पौडेललाई थप तीन दिन हिरासतमा राख्न अनुमति दिएको छ।
सोमबार अपराह्न पौडेललाई म्याद थपका लागि विशेष अदालत, काठमाडौंमा उपस्थित गराइएको थियो। अनुसन्धान जारी रहेकाले थप हिरासत आवश्यक रहेको भन्दै प्रहरीले म्याद थपको माग गरेको थियो।
पौडेललाई सम्पत्ति शुद्धीकरणसम्बन्धी कसुरमा असार ८ गते सुर्खेतबाट पक्राउ गरिएको थियो। त्यसबेला विशेष अदालतले असार ८ गतेदेखि लागू हुने गरी सात दिन हिरासतमा राखेर अनुसन्धान गर्न अनुमति दिएको थियो।
यसअघि अदालतले दिएको सात दिनको म्याद असार १४ गते सकिएपछि अनुसन्धानलाई निरन्तरता दिन प्रहरीले पुनः म्याद थपको माग गरेको थियो। सोही अनुरूप विशेष अदालतले उनलाई थप तीन दिन हिरासतमा राख्न अनुमति दिएको हो।
