काठमाडौंं । रोमेलु लुकाकुले म्यानचेस्टर युनाइटेड छाडेका छन् । लुकाकुनयाँ सिजन सुरु हुनै लाग्दा उनी इन्टर मिलानमा अनुबन्धित भएका हुन् ।
म्यानचेस्टर युनाइटेडले इन्टर मिलानको प्रस्तवलाई स्वीकार गर्दै लुकाकुलाई ७० मिलियन पाउन्डमा बेच्न तयार भएको हो । सञ्चारमाध्यमका अनुसार उनले इन्टरमा हप्ताको ३ लाख पाउन्ड पारिश्रमिक लिनेछन् । जुन इन्टरमिलानमा कीर्तिमानी रकम पनि हो ।
यता म्यानचेस्टर युनाइटेडको प्रशिक्षण खेलमा सहभागी नभएका कारण लुकाकुलाई कारबाही गरिएको छ । तर उनी आफू कुन क्लबमा जाने भन्ने कुराको टुंगो लगाउनका लागि प्रशिक्षणमा सहभागी हुन नसकेको बताइएको छ ।
युनाइटेडले लुकाकुको विकल्पमा एट्लेटिको बिवाकोका इनकी विलियम्सलाई ८० मिलियन पाउन्डमा अनुबन्धित गर्नका लागि प्रकिृया थालेको छ ।
