काठमाडौं । एसियन च्याम्पियनसिप टेबल टेनिसको लागि खुल्ला छनोट गरिने भएको छ ।
अखिल नेपाल टेबल टेनिस संघले प्रेस विज्ञप्ति निकाल्दै इन्डोनेसियामा यहि सेम्टेम्बर १५ देखि २२ सम्म हुने एसियन च्याम्पियनसिप टेबल टेनिस प्रतियोगिताको लागि खुल्ला छनोट गर्ने भएको छ ।खुल्ला छनोट बुधबार हुँदैछ ।
खुल्ला छनोटबाट समान ४–४ महिला पुरुष खेलाडी अर्को चरणको लागि छनोट हुने छन् । छनोट भएका आठ खेलाडी र ४०औं राष्ट्रिय खेलकुद प्रतियोगिताका अन्तिम १६ मा पर्न सफल महिला तथा पुरुष खेलाडी गरी अन्तिम चरणमा ४० जना खेलाडीको सहभागिता रहनेछ ।
यो अन्तिम राउण्डबाट तीन महिला र तीन पुरुष गरी ६ जना खेलाडीले इन्डोनेसियामा हुने एसियन च्याम्पियनसिप टेबल टेनिस प्रतियोगितामा भाग लिने छन् ।
