काठमाडौं । बलामी इन्टरटेनमेन्ट र नेफा मिडिया ग्रुपले नेपाल फिल्म अवार्ड गर्ने घोषणा गरेका छन् । बुधबार राजधानीमा एक कार्यक्रमका बीच यो अवार्ड घोषणा भएको हो ।
चलचित्र विकास बोर्ड, नेपाल पर्यटन बोर्ड र काठमाडौं महानगरपालिकाको सहकार्यमा रहने अवार्डमा मनोरञ्जन पत्रकारितामा सक्रिय चर्चित २१ पत्रकार समेत जोडिएका छन् ।करिब २ करोड लागतमा आयोजना हुन लागेको अवार्ड १० हजार बढी दर्शकको उपस्थितिमा बाँडिने आयोजक बलामी इन्टरटेनमेन्टका प्रमुख समिर बलामीले जानकारी दिए ।
अवार्डको जुरीमा निर्माता निर्देशक आकाश अधिकारी, निर्देशक तथा संचारकर्मी फुलमान वल, छायाँकार विष्णु कल्पित, कलाकार सरिता लामिछाने र निर्देशक कलाकार अनुप बराल रहेका छन् ।
पपुलरतर्फ ५ र निर्णायकतर्फ १४ विधा गरेर कुल १९ बिधामा बितरण गरिने अवार्डमा नेपाली फिल्म प्रति समर्पित एक व्यक्तिलाई १ तोला सुन र १ लाख ११ हजार १ सय ११ नगद सहित ‘लाइफटाइम एचिभमेन्ट अवार्ड’बाट सम्मान गरिनेछ ।
३५ तोलादेखि ५० तोलासम्मको चाँदीको ट्रफी बन्ने अवार्डको अवेदन समेत खुल्ला भएको छ ।
