काठमाडौं । अख्तियार दुरुपयोग अनुसन्धान आयोगले समयनाथ उच्च माध्यमिक विद्यालय, कपिलवस्तुका तत्कालीन प्रधानाध्यापक थानेश्वर खनालसहित विद्यालय व्यवस्थापन समितिका अध्यक्ष छविलाल भुसाल, वर्तमान प्रधानाध्यापक गिरीराज गैरे र शिक्षक दधिराम न्यौपानेविरुद्ध विशेष अदालतमा मुद्दा दायर गरेको छ । आयोगले खनालसहित अध्यक्ष भुसाल र प्रधानाध्यापक गैरे र शिक्षक न्यौपानेको मिलेमतोमा विद्यालय व्यवस्थापनको विविध विषयहरूमा अनियमितता गरेको भन्दै मंगलबार मुद्दा दायर गरेको हो ।
उनीहरुले विद्यालय सञ्चालनमा लापरवाही गर्दै आएको र विभिन्न निकायबाट आएको रकम हिनामिना गरेको, विद्यालय व्यवस्थापन समिति शिक्षा नियमावली बमोजिम नभएको, महायज्ञमा संकलित रकममा हिनामिना गरेको, दरबन्दीका शिक्षकलाई अनियमित तवरले तलब भत्ता खुवाएको, विद्यालयमा दरबन्दीका शिक्षक बढी हुँदाहुँदै निजी स्रोतमा शिक्षक राखी विद्यालयलाई हानी र्पुयाएको अनुसन्धानमा खुल्न आएको आयोगका प्रवक्ता प्रदीपकुमार कोइरालाले जानकारी दिनुभयो । उहाँका अनुसार उनीहरु सबैलाई एक्काईस लाख उनान्चालीस हजार छ सय पाँच रूपैया चार पैसा जरिवाना कानून बमोजिमको सजायको माग गथरिएको छ । यो खबर आजको नेपाल समाचारपत्रमा छापिएको छ ।
