बुटवल । भन्सार कर्मचारी, भन्सार राजश्व गस्ती र तस्करको मिलेमत्तोमा बेलहिया नाकाबाट जे पनि भित्र्याउन सम्भव छ भन्ने कुराको उदाहरण मंगलबार भैरहवा नाकामा भएको एउटा घटनाले पुष्टि गरेको छ। भन्सार नाकामा तीन तहको सुरक्षालाइ पार गर्दे बिना भन्सार लाखौं मुल्यका सामान बोकेको कन्टेनर नेपाल भित्रिएपछि त्यस्तो तथ्य उजागर भएको हो।
सोमबार दिउँसो करिब साढे ४ बजेपछि बेलहियाबाट नेपाल पसेको कन्टेनर भन्सारको मुल गेट अगाडी केहीबेर रोकियो। भन्सार यात्रु शाखामा पनि केही बेर रोकिए झै गर्यो। तर त्यहाँका भन्सार कर्मचारी र राजश्व गस्तीले त्यसलाई नदेखेझैं गरे।
कन्टेनर सरासर मुल सडकबाटै भन्सार नपसी करिब १ किलोमिटर भैरहवा तर्फ आएपछि बल्ल नेपाल प्रहरीको नजरमा पर्यो। जि.जे ०६ ए.जेड ६३५९ नम्बरको मालबाहक कन्टेनरलाइ प्रहरीले नियन्त्रणमा लिएको छ। नियन्त्रणमा लिएको कन्टेरमा भारतीय युनिचार्म कम्पनीका सयौं काटुर्न डाइपर छन्। यो खबर आजको नागरिक दैनिकमा छापिएको छ ।
