काठमाडौं । प्रधानमन्त्री केपी शर्मा ओलीले महासचिव विष्णु पौडेलले निरंकुशता भएको बेला २०६१ सालमा बालुवाटारको दक्षिण कुनामा ८ आना जग्गा किनेको स्विकार गरेका छन् ।
मंगलबार नेकपाको संसदीय दलको बैठकमा प्रधानमन्त्री ओलीले उक्त आठ आना सरकारी जग्गाको बिषयलाई लिएर पौडेलमाथि आक्रमण भएको बताए।‘पदीय दुरुपयोग गरेर महासचिवले जग्गा किन्नु भएको होइन। निरंकुशता भएको बेला२०६१ सालमा बालुवाटारको दक्षिण कुनामा ८ आना जग्गा किन्नु भएको हो,’ उनले भने।
महासचिवमाथि आक्रमण गरेर पार्टी र सरकार कमजोर बनाउन खोजिएको पनि उनले दाबी गरे।
महासचिवको जग्गा सरकारी हडपेकोमा पर्छ कि पर्दैन समय क्रममा प्रस्तुत गर्छौँ। हतारो गर्नुपर्ने छैन,’उनले भने ।
ओलीले आफ्नै सरकारले बालुवाटारको जग्गाबारे तथ्य सार्वजनिक गरेको उल्लेख गरे। उनले सांसदहरुलाई हल्लाको पछि नलाग्न आग्रह गरे।
