सामाजिक संजाल र केहि अनलान मिडियाहरुले गायिका अन्जु पन्तले राहत वितरणका नाममा बाइबल बोकेर हुरी प्रभावित बारा जिल्लामा जाँदैछिन् भनेर लेखेपछि उनि आलोचनाको सिकार भएकी छिन् ।
हिन्दू धर्म त्यागेर क्रिश्चियन धर्म अंगालेयता बारम्बार विवादमा मुछिँदै आएकी पन्तको हिजो मात्रै एउटा पुरानो फोटो भाइरल गराइयो जसको कारण उनको आलोचना गर्नेको लर्के लाग्यो ।
तर उक्त फोटो अर्कै पुरानो र अर्कै प्रसंगको भएको तथ्य बाहिर आए आएको छ । उनले यसै प्रसंमा आज विहिबार फेसबुकमा लेख्दै भनेकी छिन्, मेरा आदरणीय दर्शक श्रोताहरू, मेरा सम्पूर्ण परिवारहरूलाई नमस्ते । ‘अन्जु पन्त फाउण्डेसन’मार्फत् गत डिसेम्बर महिनामा बारा जिल्लामा भएको स्कुलका बालबालिकाहरूलाई स्कुल ब्याग तथा कापीकलम बितरण गर्न बारामा गएको बेलाको फोटो प्रयोग गरेर अहिले बाइबल बाँड्न गएको भनेर म माथि मिथ्या आरोप लगाउने काम भयो ।
बेलाबेलामा म माथि यस्ता आरोपहरू लागिरहन्छन् । मलाई सहने बानी परिसकेको छ । म अविचलित समाजसेवामा लागिरहने छु ।
आँधीहुरी प्रभावित क्षेत्रमा त्रिपाल, झुल, म्याट लगायतका करिब २ लाखको सहयोग तत्काल बारामा पठाउने उनले बताएकी छिन् । बारामै बाढीले घरबारविहीन ३५ परिवारका लागि भवन निर्माण गर्ने कामको तयारी गरिरहेकाले सम्पूर्ण सहयोगी तथा शुभचिन्तकहरूमा आभार प्रकट गरेकी छिन् ।
