काठमाडौँ । कुवेतसँगको मैत्रिपुर्ण फुटबलमा नेपालले दुई खेलमा एक हार र एक बराबरी खेलेको छ । सोमबार राति कुवेतको अल शबाब रंगशालामा भएको खेलमा नेपाल १–० गोल अन्तरले पराजित भएको हो ।
कुवेतको लागि एकमात्र गोल युसुफ नासिरले पेनाल्टीबाट गरेका थिए । नासिरले खेलको २९ औं मिनेट गरेको गोल नै कुवेतको लागि प्रयाप्त बन्यो ।
नेपाल कुवेतलाई बराबरीमा रोक्ने योजनासहित मैदान उत्रिएको थियो । पहिलो खेलमा नेपालले कुवेतसँग गोलरहित बराबरी खेलेको थियो ।
योसँगै मुख्य प्रशिक्षक योहान कालिनको नेतृत्वमा नेपालले दुई खेलमा एक हार र एक बराबरी खेलेको छ । प्रशिक्षक कालिनले खेलमा कुवेतलाई टक्कर दिन सफल भए पनि पेनाल्टीमा गोल हुनु नै दुर्भाग्य भएको बताएका छन् ।
