बलिउड तथा हलिउडमा समेत चर्चा कमाइसकेकी प्रियंका चोपडाको नाम धेरैसँग जोडिएको थियो । केहि समय अघिमात्रै निक जोनाससँग विवाह गरेकी प्रियंकाको नाम कुनै समय अक्षय कुमारसँग जोडिएको थियो । विवाहित अक्षयसँग नाम जोडिएपछि बलिउडमा उनीहरुको सम्बन्धलाई लिएर विभिन्न किसिमका टिकाटिप्पणी भएका थिए ।
फिल्म ‘एतराज’ को सुटिङका क्रममा नजिकिएका प्रियंका र अक्षयको जोडीलाई धेरैले रुचाएका थिए । तर, अक्षयकी श्रीमती ट्विकंल खन्नाले उनीहरुको सम्बन्धको बारेमा थाहा पाएपछि खन्नाले अक्षयलाई प्रियंकासँग काम गर्न रोक लगाइन् ।
प्रियंका र अक्षयको लामो समयपछि पुनः देखादेख भएको छ । सम्बन्ध टुटेको धेरै वर्षपछि बिहे गरेकी प्रियंका आफ्ना साथीहरुसँग जुन होटलमा खाना खानको लागि गएकी थिइन अक्षय पनि उनकी पत्नीसँग खाना खान गएका थिए ।
जब अक्षयले उक्त होटलमा प्रियंका पनि छिन् भन्ने थाहा पाए तब उनले मेनेजरलाई भनेर आफ्ना लागि छुट्टै कुनाको टेबलमा बस्न बन्दोबस्त गर्न लगाए ।
