काठमाडौँ । भारतले आफ्नो लडाकु विमानमा पाकिस्तानी वायू सेनाले खसाएक स्वीकारेको छ । भारतीय विदेश मन्त्रालयका प्रवक्ता रवीश कुमारले पत्रकार सम्मेलन गरेर पाकिस्तानको दावी सहि भएको स्वीकार गरेको हो ।
कुमारका अनुसार भारतको एयरस्ट्राइकको जवाफमा पाकिस्तानले एक्सन झारेको बताए । उनले उक्त पत्रकार सम्मेलनमा आफ्नो सेनाले पनि पाकिस्तानको लडाकु बिमान खसाएको दावी गरे ।
रवीश कुमारले भने, ‘पाकिस्तानको कारवाहीमा भारतको एउटा मिग विमान ध्वस्त भयो र हाम्रो एक पाइलट बेपत्ता छन् ।’
यसअघि पाकिस्तानले दुईवटा भारतीय बिमानलाई खसाएको र एक पाइलटलाई नियन्त्रणमा लिएको बताएको थियो । पाकिस्तानी सेनाले एउटा ४६ सेकेन्डको भिडियो पनि सार्वजनिक गरेको छ ।
