काठमाडौं । प्रधानमन्त्री केपी शर्मा ओलीले आन्दोलन र बन्द-हडताल डाक्टरहरूले मात्रै गर्न मिल्ने भन्दै व्यंग्यात्मक अभिव्यक्ति दिएका छन् ।
धुर्मुस–सुन्तली फाउन्डेसनले बनाउन लागेको अन्तर्राष्ट्रिय क्रिकेट रंगशाला घोषणा कार्यक्रममा चिकित्सकहरूले गरिरहेको आन्दोलनप्रति लक्षित गर्दै प्रधानमन्त्रीले भने, ‘हडताल मजदुरले गर्ने होइन, डाक्टरहरूले गर्ने हो । नेपालका डाक्टरले बिरामी हेर्न मिल्दैन । अन्य देशमा डाक्टरको काम बिरामी हेर्ने हो, नेपालमा फरक छ ।’ आजको नयाँ पत्रिका दैनिकमा खबर छापिएको छ ।
