काठमाडौं । प्रमुख प्रतिपक्ष दल नेकपा एमालेका अध्यक्ष एवम् पूर्वप्रधानमन्त्री केपी शर्मा ओलीले सत्तारुढ पाँच दलीय गठबन्धनलाई लोकतन्त्रको ‘भक्षक’ को संज्ञा दिनु भएको छ । एमाले अध्यक्ष ओलीले सत्तारुढ गठबन्धनलाई लोकतन्त्र, लोकतान्त्रिक मूल्य, मान्यता नभई आफ्नो स्वार्थ पूर्तिका लागि केवल सत्तामात्रै चाहिएको दावी समेत गर्नु भयो । नेकपा एमाले कर्णाली प्रदेश कमिटीले आईतबार काठमाडौंमा आयोजना गरेको एक कार्यक्रममा बोल्दै उहाँले सत्तारुढ गठबन्धनलाई देश नभई आफ्नो स्वार्थमात्रै पूरा गर्नु रहेको बताउनु भयो ।
अध्यक्ष ओलीले भन्नुभयो एमाले नभएको भए १७ साल आईसकेको हुने दावी समेत गर्नु भयो । एमाले नभएकै कारण २००७ सालपछि १७ साल आएको तर अहिले एमाले भएकाले आउन नसकेको उहाँको दावी छ । अध्यक्ष ओलीले एमाले भएकै कारण प्रतिक्रियावादी शक्तिहरु चुप लागेर बसेको पनि बताउनु भयो । उहाँले एमालेले संविधान च्यात्न नदिने, लोकतन्त्रलाई तलमाथि हुन नदिने प्रतिवद्धता समेत दोहो¥याउनु भयो । अध्यक्ष ओलीले भन्नु भयो, ‘एमाले हुँदैनथ्यो भने १७ साल अस्ति नै आईसक्थ्यो । तर यहाँ एमाले छ । त्यसकारण १० साल आउन सक्दैन । २००७ सालपछि १० साल आई हाल्यो नि । आउँथ्यो यहाँ पनि । संविधान भनेको एउटा पुस्तक हो । बलजफ्ती ग¥यो भने च्यात्न कतिबेर लाग्दैन । तर जनता सचेत छ भने सचेत जनताको मनोबल च्याप्न सकिदैन । सचेत जनताको अठोट च्यात्न सकिदैन । त्यसैकारण प्रतिक्रियावादी शक्तिहरु चुप लागेर बसेका छन । त्यस्ता परमादेशहरु, प्रतिगामी परमादेशहरु अनेक आउन सक्छन । तर हामी सरकार छोडन तयार छौं, तर देशलाई तलमाथि हुन दिँदैनौं ।
ओलीले भन्नुभयो हामी सरकार छोडन तयार छौ, संविधान च्यात्न दिँदैनौं । हामी लोकतन्त्र तलमाथि हुन दिँदैनौं । लोकतन्त्र छोडन हामी तयार छैनौं । हामीले सात देशक भन्दाबढि संघर्ष गरेर ल्याएको लोकतन्त्र हो, बलिदान दिएर ल्याएको लोकतन्त्र हो । त्यसकारण हामी छोडन सक्दैनौं । यो अठोटमा छ एमाले । नेकपा एमाले यो अठोटमा भएकै हुनाले लोकतन्त्र जीवित छ, होइन भने अहिले यो पाँच दलीय गठबन्धन भन्ने छ नि । बर्को राधेराधे लगाएका हुन कि, रामराम लगाएका हुन कि, कृष्णकृष्ण लगाएका हुन ? यी सबै लोकतन्त्रको भक्षकहरु हुन । यिनीहरुलाई सत्ता चाहिएको छ, स्वार्थ पूरा गर्नुछ । देश होईन ।’
अध्यक्ष ओलीले आफ्नो पार्टीविरुद्ध भ्रम फैल्याउने काम गरिएको उल्लेख गर्दै त्यसका विरुद्ध सामाजिक सञ्जालमार्फत् ‘वार’ गर्न पनि पार्टीका नेता, कार्यकर्तालाई सचेत गराउनु भयो । उहाँले पूर्वप्रधानमन्त्री डा. बाबुराम भट्टराईलाई जनयुद्ध कालमा आफ्नो छोराछोरीलाई कसरी बेलायतमा पढाउन सक्नु भयो भनेर प्रश्न गर्नु भयो । आफूहरुले पासपोर्ट बनाउन नसक्ने बेला कसरी पार्सपोट बनाएर भट्टराईले आफ्ना छोराछोरीलाई बेला बढाउन भयो ? बेलायत बढाउने आम्दानीको स्रोत के थियो ? अध्यक्ष ओलीको जिज्ञासा थियो । अध्यक्ष ओलीले भन्नु भयो, ‘प्रचण्ड बाँचे १७ हजार मरे । बाबुराम त बाँचे । बाबुरामका छोराछोरी त बेलायत पढथे । हामी बेलायत जान भिसा मिल्दैन थियो । बाबुरामका छोराछोरीले भिसा पाउँथे । कसरी होला भन्नुस् त ? एउटा भूमिगत क्रान्तिकारी नेताका छोराछोरीको बाउको नाम त चाहिन्छ । नागरिक पाउन, पासर्पोट पाउन, सबै चिज पाउन । कसेको पार्सपोर्टबाट जानु भएको थियो बेलायत ? कहाँ भिसा लागेको थियो ? बाबुरामजी बताई दिनुस त ? तपाईका छोराछोरीले बेलायतको शिक्षा, जहाँ कम्सेकम २÷४, ५ लाख महिनाको खर्च हुन्छ । छोराछोरीलाई कसरी पढाउनु भएको थियो ? कहाँको आम्दानीले भूमिगत हिँडदाखेरी ?’
अध्यक्ष ओलीले आफूले सांसद भएपछि मात्रै भिसा पाएको उल्लेख गर्दै तर बाबुराम भट्टराईहरुले कसरी भिसा पाउने गरेको भन्दै आश्चर्य प्रकट गर्नु भयो । उहाँले गीत, कला, साहित्य सबैको माध्यामबाट आफ्ना पार्टीमाथि गरिएका गलत प्रचारको खण्डन गर्न पनि पार्टीका नेता, कार्यकर्तालाई सचेत गराउनु भयो ।
