काठमाडौं । राष्ट्रिय प्रजातन्त्र पार्टी (राप्रपा) उपाध्यक्ष रवीन्द्र मिश्रको बन्दी प्रत्यक्षीकरण रिटमा आज सुनवाइ हुँदैछ ।
सर्वोच्च अदालतका न्यायाधीसद्वय कुमार चुडाल र तिलप्रसाद श्रेष्ठले उक्त मुद्दाको सुनवाइ गर्नेछन् ।
मिश्रलाई गैरकानूनीरूपमा प्रहरीले थुनामा राखिरहेको भन्दै उनकी पत्नी सारिका कार्कीले रिट दायर गरेकी थिइन् ।
नेपाल प्रहरी प्रधान कार्यालयको जवाफ महान्यायाधिवक्ता कार्यालयमार्फत लिखित रूपमा जवाफ पेस भएपछि मिश्रसँग बयान लिइँनेछ । उनलाई हिरासतबाहिर राखेर अनुसन्धान गर्न मिश्रका कानून व्यवसायीहरुले माग गरेका छन् ।
