काठमाडौं । रास्वपा नेत्री रञ्जु दर्शना चाँडै आमा बन्ने भएकी छन् ।
रञ्जुले सामाजिक सञ्जालमार्फत शुभचिन्तकहरूलाई यो जानकारी गराएकी हुन् ।
उनले आफूहरूको जीवनमा एउटा सानो मानवले छिट्टै प्रवेश गर्न लागेकी बताएकी छन् । यो यात्रा आफ्नो लागि सहज नरहेको उनको भनाइ छ ।
रञ्जुले लेखेकी छन्, ‘यो खबर तपाईँहरू माझ बाँड्दा हाम्रो खुशी झनै दोब्बर भएको छ । यो यात्रा मेरो लागि सहज थिएन, छैन पनि । वर्षौँदेखि कैयौं आमाहरूका लागि लड्दै आएकि म आज स्वयम यस यात्रामा हुँदा आमाहरू प्रति झनै बढि नतमस्तक छु ।’
रञ्जु २०७९ वैशाखमा किशु कुईंकेलसँग विवाह बन्धनमा बाँधिएकी थिइन् । उनी हाल रास्वपाको समानुपातिक उम्मेदवारकी आकांक्षीसमेत हुन् ।
हालै मात्र विवेकशील साझा पार्टी छोडेर उनी रास्वपा प्रवेश गरेकी थिइन् ।
