काठमाडौं । नेकपा (माओवादी केन्द्र)ले आफ्ना सम्पूर्ण कमिटीमा ३५ प्रतिशत महिला अनिवार्य गर्ने भएको छ ।
आज (मंगलबार) बसेको पार्टी स्थायी कमिटी बैठकले सो निर्णय गरेको हो ।
केन्द्रीय कमिटीमा दलित समुदायबाट कम्तीमा १५ प्रतिशत र अरु कमिटीमा त्यहाँ रहेको जनसंख्याको अनुपातमा २ प्रतिशत थप गरेर सहभागी गराउने निर्णय भएको हो ।
यस्तै माओवादी केन्द्रले २९९ सदस्यीय केन्द्रीय कमिटी बनाउने भएको छ ।
स्थायी कमिटीको बसेको बैठकले पास गरेको अन्तरिम विधानअनुसार अध्यक्षका साथै उपाध्यक्ष, महासचिव, सचिव र कोषाध्यक्ष रही पदाधिकारी टिम निर्माण हुनेछ ।
