एजेन्सी । म्यान्चेस्टर सिटीका स्टार खेलाडी केभिन डि ब्रुएना सन् २०२५ सम्म म्यानचेस्टर सिटीमै रहने भएका छन् । क्लबले राखेको नयाँ प्रस्ताव स्वीकार गर्दै उनले सम्झौतापत्रमा हस्ताक्षर गरेका हुन् ।
२९ वर्षीय बेल्जियन स्टार ब्रुएनाले क्लबसँग थप चार वर्षका लागि सम्झौता गरेका हुन् । क्लबसँगको सम्झौता सकिन अझै दुई वर्ष बाँकी रहँदा क्लबले उनलाई नयाँ सम्झौता अफर गरेको थियो ।
उनी सन् २०१५ मा जर्मन क्लब वुल्फ्सवर्गबाट म्यान्चेस्टर सिटी आएका थिए । मिडफिल्डरको भूमिकामा मैदानमा उत्रने उनले सिटीबाट १७७ खेल खेल्दै ४२ गोल गरेका छन् । यस्तै बेल्जियममा २०१० बाट खेल्दै आएका उनले ८० खेलमा २१ गोल गरेका छन् ।
