म्याड्रिड । आइतबार स्पेनी ला लिगामा बार्सिलोनाले लेभान्टेमाथि १–० संघर्षपूर्ण जित निकालेको छ । बार्सिलोनाको जितमा लियोनल मेसीको मात्रै एक गोल रहेको थियो ।
लेभान्टेमाथि बार्सिलोना हाबी रहे पनि गोल भने निस्कन कठिन रहेको थियो । यस्तोमा मेसीले ७६ औं मिनेटमा निर्णायक गोल गरे । काडिज र युभेन्ट्सविरुद्ध पछिल्ला खेलमा बेहोरेको हारमा मेसी गोल गर्न असमर्थ रहेका थिए ।
यो जितपछि बार्सिलोनाको ११ खेलबाट १७ अंक भएको छ र आठौं स्थानमा उक्लेको छ । यो शीर्ष स्थानमा रहेको एटलेटिको म्याड्रिड र रियल म्याड्रिडसँग नौ अंकको दूरी हो ।
