म्याड्रिड । स्पेनी ला लिगामा शनिबार भएको खेलमा रियल म्याड्रिडले डर्बी खेलमा एटलेटिको म्याड्रिडलाई २–० ले हराएको छ । अंक तालिकाको शीर्ष स्थानमा रहेको एटलेटिकोले यससँगै सिजनको अपराजित यात्रा पनि गुमाएको छ ।
रियलले कासेमिरोको गोलले १५ औं मिनेटमा अग्रता लिएको थियो । यसक्रममा एटलेटिका सिजनका ११ खेलमा पहिलो पल्ट पछाडि परेको थियो । जिनेदिन जिदानलाई स्थिति सजिलो बनाउन जान आबलाकले आत्मघाती गोल गरे ।
हारका बाबजुद एटलेटिको अझै २६ अंकमा पहिलो स्थानमा छ । रियल भने छिमेकी क्लबसँगको दूरी घटाएर तेस्रो स्थानमा उक्लेको छ । उसको २३ अंक छ । डिएगो सिमोनीको क्बलले रियलको तुलनामा एक खेल भने कम खेलेको छ ।
