काठमाडौँ । नेपाल प्रिमियर लिग (एनपिएल) अन्तर्गत चितवन राइनोजले सुदूरपश्चिम रोयल्समाथि जित निकालेको छ ।
भर्खरै सम्पन्न खेलमा चितवनले सुदूरपश्चिमलाई ३३ रनले हराएको हो । चितवनले दिएको १६५ रनको लक्ष्य पछ्याएको सुदूरपश्चिम १८.२ ओभरमा १३१ रनमै अलआउट भयो ।
उसका लागि इशान पाण्डेले ३५, सैफ जइबले १८, स्कट कुग्लेजिनले १६, ब्रान्डन म्याकमुलेनले १३, दिलप्रीत बजवाले १२, बिनोद भण्डारीले १० रन बनाउँदा अन्य ब्याट्सम्यानले दोहोरो अंकमा रन जोड्न सकेनन् ।
बलिङतर्फ चितवनका जान निकोल लोफ्टी इटन, अमर रौतेला, कुशल मल्ल र रिजन ढकालले दुई–दुई विकेट लिए भने रञ्जित कुमार र सोहेल तनभिरले एक–एक विकेट लिए ।
त्यसअघि टस जितेर पहिले ब्याटिङ थालेको चितवनले २० ओभरमा ५ विकेट गुमाएर १६४ रन जोड्यो ।
उसका लागि हसन इसाखिलले सर्वाधिक ६५ रन जोडे । ५२ बल खेलेका उनले ६ चौका र ३ छक्का प्रहार गरे । रवि बोपाराले १८ बलमा ३६ रनको विष्फोटक इनिङ खेले । उनले २–२ चौका र छक्का हिर्काए । यस्तै, बिपिन रावलले १७, कुशल मल्लले १३ रन बनाए ।
बलिङतर्फ सुदूरपश्चिमका स्कट कुग्लेजिनले दुई तथा दिपेन्द्र सिंह ऐरी र सैफ जइबले एक–एक विकेट लिए ।
जारी प्रतियोगितामा ४ खेलमा दुबै टोलिले तीन–तीन जित तथा एक हार ब्यहोरेका छन् ।
